ⵜⵉⵡⵉ ⵜⵎⵜⵜⵏⴰⵜ ⵜⵉⴼⴰⵡⵜ ⵏ ⵡⴰⵙⵙⴰ ⴰⵙⵉⵏⴰⵙ 11 ⴱⵕⴰⵢⵕ 2025 ⵢⴰⵏ ⵙⴳ ⵉⵜⵔⴰⵏ ⵏ ⵜⵥⵓⵕⵉ ⵜⴰⵎⴰⵣⵉⵖⵜ ⴷ ⵢⴰⵏ ⴳ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵉⵥⵏⵥⴰⵕⵏ ⴰⵏⴰⵥⵓⵕ ⵎⵚⵟⴰⴼⴰ ⵛⵛⴰⵟⵉⵕ .
ⴰⵎⵜⵜⵉⵏ ⵉⵍⵍⴰ ⴷ ⵜⵔⴰⴱⴱⵓⵜ ⵏ ⵉⵥⵏⵥⴰⵕⵏ ⵣⵉⴽⴽ, ⵍⵍⵉⴳ ⴷ ⵢⵓⵛⴽⴰ ⴳ ⵜⵔⴰⴱⴱⵓⴷ ⵏ ⵍⴰⵇⴷⴰⵎ. ⴰⵔ ⵉⴽⴽⴰⵜ ⵉⵎⵉⵙ ⵏ ⴰⵙⵙⵏⵜⵉⵔ ⵏⵉⵖ ⴰⴳⴰⵎⴱⵔⵉ ⵉⴳ ⵢⴰⵏ ⵙⴳ ⵉⵏⴰⵔⴰⵡⵏ ⴰⴽⴽⵯ ⵏⵏⴰ ⵉⴽⴽⴰⵜⵏ ⵉⵎⵉⵙ ⴰⴷ.
ⵉⴽⴽⴰ ⵜⵜ ⵏⵏ ⵉⵙⵡⵓⵔⵉ ⴳ ⵜⵎⴰⵡⴰⵙⵜ ⵏ ⵜⵣⴷⴷⵓⵖⵜ , ⵉⴼⵍ ⵜⴰⵡⵓⵔⵉ ⴰⴼⴰⴷ ⴰⴷ ⵉⵙⵜⵉ ⵜⴰⵥⵓⵕⵉ ⵍⵍⵉⴳ ⵢⵓⴼⴰ ⵉⵅⴼ ⵏⵏⵙ .
ⵜⵣⴷⵉ ⵜⵡⵍⴰⴼⵜ ⵏⵏⵙ ⴷ ⵜⵢⵓⵎⴰⵏⵜ ⵉⵏⴼⴰⵊⵊⴰⵏ ⵏⵏⴰ ⵉⵚⴽⴰⵏ ⵢⴰⵜ ⵜⵎⴰⴳⵉⵜ ⵜⴰⵎⴰⵢⵏⵓⵜ ⵉ ⵜⵔⴰⴱⴱⵓⵜ ⵏⵏⵙ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵓⵥⴰⵡⴰⵏ ⵏ ⵜⵥⵏⵥⴰⵕⵜ.
ⵜⵓⵜⵜⵓⴼⴽⴰ ⴰⵙ ⵜⵎⴰⵙⵙⴰⵢⵜ ⵏ ⵓⵎⵢⴰⵡⴰⴹ ⴷ ⵓⵙⵏⵖⵎⵙ ⵎⵉⵏⵣⵉ ⴷⴰⵔⵙ ⴰⵙⵡⵉⵔ ⵢⴰⵜⵜⵓⵢⵏ ⴳ ⵓⵙⵍⵎⴷ ⵉⴳ ⴰⵎⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵔⴰⴱⴱⵓⵜ ⵏ ⵉⵥⵏⵥⴰⵕⵏ.
ⵜⵣⵎⵔ ⵜⵔⴰⴱⴱⵓⵜ ⴰⴷ, ⵙ ⵜⵏⵙⵙⵉⵅⴼⵜ ⵏ ⵓⵏⴰⵥⴰⵕ ⵄⴱⴷⵍⵀⴰⴷⵉ ⵉⴳⴳⵓⵜ , ⴰⴷ ⵜⵍⴽⵎ ⵜⵖⵍⴰⵖⴰⵍⵜ ⵏⵏⵙ ⵓⵍⴰⵡⵏ ⴷ ⵓⵏⵍⵍⵉ ⵏ ⵎⵉⴷⴷⵏ ⵙ ⵜⴰⵍⵍⵖⴰⵜⵉⵏ ⵏⵏⵙ ⴷ ⵜⵎⴷⵢⴰⵣⵉⵏ ⵍⴰⵏⵉⵏ ⵉⵏⵓⵎⴰⴽ ⴷⵔⴰⵏⵉⵏ ⵙⵙⵍⴽⴰⵎⵏ ⵜⵉⴱⵔⴰⵜⵉⵏ ⴷ ⵉⵙⵢⴰⴼⴰⵜⵏ ⵏ ⵓⴳⴷⵓⴷ ⴰⵎⴰⵣⵉⵖ ⴰⵢⵍⵍⵉⴳ ⵜⵓⵜⵜⵡⴰⵙⵙⵏ ⵜⵔⴰⴱⴱⵓⵜ ⴳ ⵓⵎⴰⴹⴰⵍ ⴰⴽⴽⵯ ⵜⴳ ⵉⵎⵙⵍⵉ ⵏ ⵉⵎⵥⵍⴰⴹ.
ⴳ ⵜⴳⵉⵔⴰ, ⵢⵓⴹⵏ ⵉⴳⵍⵍⵉⵏ ⵏ ⵉⵎⵜⵜⵉⵏ ⵙ ⵜⵎⴰⴹⵓⵏⵜ ⵏ ⵡⵓⵍ ⵉⵙⴽⵔ ⴰⵙ ⴰⴼⵍⴰⵢ ⴰⵙⴳⴳⵯⴰⵙ ⵏ 2020 ⴳ ⵢⴰⵜ ⵜⵙⴷⵓⵙⵉⵜ ⴳ ⵎⵕⵕⴰⴽⵛ.ⵙⴳ ⵡⴰⴽⵓⴷ ⴰⵏⵏ ⴰⴷ ⵢⵓⴹⵏ ⴰⵢⵍⵍⵉⴳ ⵜ ⵜⵉⵡⵉ ⵜⵎⵜⵜⴰⵏⵜ ⴰⵙⵙ ⵏ ⵓⵙⵉⵏⴰⵙ ⴰⴷ ⵉⵣⵔⵉⵏ ⵜⴰⵎⵍⵍⴰ ⵏ ⴱⴰⴱ ⵏ ⵉⴳⵏⵡⴰⵏ ⵖⵉⴼⵙ.
ⵕⴰⵛⵉⴷ ⴰⴽⵕⴽⴰⴹ
