أكادير تيفي_
اتهمت عارضة متدربة تدعى سلوى بوشعيب، سليم الشيخ، مدير القناة الثانية، بالتحرش بها واغتصابها. وكتبت العارضة المتدربة تدوينة على صفحتها بالفايسبوك تقول: “متغلطش في أنا شكون عطاك الحق تغلط فيا أنا… غادي نفضحك أنفضحك ألمغتصب..” ، قبل أن تلحقها بتدوينة أخرى تقول فيها إنها ستعمل على كشف كل الفتيات اللواتي تحرش بهن الشيخ أو اغتصابهن بتعبيرها، مضيفة: لو أننا كنّا في دولة ديمقراطية لكان المكان الطبيعي لمدير القناة الثانية هو السجن.
وهذه تدوينة سلوى بو شعيب: “سليم الشيخ.. راه تعيا ما تسكت و تشري فصحافة البيادق اللي كاريين حنكهم دوك “الذكوريين” المتحرشين بحالك اللي تايقولو حنا “صوت الشعب” و حنا كنفضحو الفساد و المفسدين و لكن بمجرد ما كتكون المرأة هي اللي ضحية كيبداو يقولو “حنا الرجال عيبنا واحد و كلنا كنغلطو”!!! غلط فيماك و فأختك ما تغلطش فيا انا!! شكون عطاك الحق تغلط فيا انا؟!!!
واخا تسكتهم و تلحس ليهم الكابة تاتشبع باش يسكتو راه غادي نفضحك غادي نفضحك آلمغتصب.. كيف يعقل أنك فسنة 2014 تطرد مدير الموارد البشرية من القناة بسبب التحرش و تجي نتا كمدير عام تستغل المنصب ديالك و السلطة ديالك كيما بغيتي باش تتحرش و تستغل البنات و النساء جنسيا و تغتصبهم و تضرب عرض الحائط اخلاقيات المهنة و القانون و المجتمع بدون اي حس بالمسؤولية؟؟ شكون عطاك هاد الحق شكون؟؟ واش حنا ولينا جواري عندك؟؟!!! شكون عطاكم الحق تغلطو فينا كيما بغيتو و تدافعو على بعضياتكم حيت رجال و حيت عيبكم واحد آلمنافقين؟؟ شكون عطاك الحق تهضر بإسم المرأة فنطاق الفينيزم المزور ديالك و تتاجر فقضية المرأة و انت اول واحد فالمملكة كيستغلها بإسم حداثة مزورة؟؟؟ واش الحداثة فبلادكم هي تستغلو بنادم و تغتصبو حقوقو؟؟؟ فينا هو اللوجيك آلمنافقين؟؟؟ لوكان كنا فبلد ديموقراطي ديال بصح لوكان تفتح تحقيق و تعاقبتي على كاع الخروقات اللي درتي هادي 9 سنين!! لوكان جينا فبلد ديموقراطي ديال بصح لوكان بلاصتك دابا فالسجن كما وقع لسعد لمجرد ففرنسا!! و لكن على ما بان ليا حنا عايشين ف jungle تغتصب و تتحرش و تستغل كما بغيتي مادام انك مسؤول و عندك نفوذ و ما كاينش اللي يهضر معاك مادام الضحية “امرأة” مسموح ليكم تغلطو فيها كما بغيتو و مادام عيبكم واحد!! بغيت غير نعرف آ عباد الله واش انا مواطنة فهاد البلاد ولا مجرد جفاف اللي جا مسموح ليه يمسح فيه رجليه؟؟؟!!!”.
المصدر: الأول
